კომისიის სხდომაზე ძირითადად ტექნიკური საკითხები იყო განხილული. დამტკიცდა 3 ნოემბრის უმაღლესი საბჭოს არჩევნებისთვის საარჩევნო ბიულეტენების ფორმები და ტექსტები, მათი შევსების წესი, კენჭისყრის შედეგების შემაჯამებელი ოქმების ფორმები, დამტკიცდა ასევე კენჭისყრის დღის პროცედურების ინსტრუქცია და საუბნო საარჩევნო კომისიის კენჭისყრის დღის ჩანაწერთა წიგნის ფორმა.
საარჩევნო ბიულეტენების ბეჭდვა რამდენიმე დღეში დაიწყება, კომისიის გადაწყვეტილებით შეიქმნება დამკვირვებელთა ჯგუფი, რომელიც პროცესს გაუწევს მონიტორინგს, საკითხის განხილვა შემდგომი სხდომისთვის იქნა გადატანილი, იმ მოტივით, რომ არასამთავრობო სექტორს მიეცეს დრო, რათა ჯგუფში მეტი წარმომადგენელი მოავლინოს.
