აჭარის ავტონომიური რესპუბლიკის უმაღლესმა საარჩევნო კომისიამ რეგისტრაცია გაუუქმა პოლიტიკური გაერთიანებების - „ძლიერი საქართველო-ლელო, ხალხისთვის, თავისუფლებისთვის“ და „კოალიცია ცვლილებისთვის გვარამია მელია გირჩი დროას“ პარტიული სიით წარდგენილ დარჩენილ კანდიდატებს.
უმაღლესი საარჩევნო კომისიის თავმჯდომარემ, პარმენ ჯალაღონიამ, აჭარის ავტონომიური რესპუბლიკის უმაღლესი საბჭოს პირველ სხდომაზე არჩევნების შედეგები წარადგინა.
საარჩევნო კანონმდებლობის შესაბამისად, უსკომ არჩევნების საბოლოო შედეგების შეჯამებიდან 2 დღის ვადაში უზრუნველყო არჩეულ უმაღლესი საბჭოს წევრთათვის დროებითი მოწმობების დამზადება.
