აჭარის ა.რ. უმაღლესი საარჩევნო კომისიის 28 სექტემბრის სხდომაზე, კომისიის წევრებმა დღის წესრიგით გათვალისწინებულ ორ საკითხზე იმსჯელეს.
განკარგულებით დადგინდა აჭარის ავტონომიური რესპუბლიკის უმაღლესი საბჭოს 2016 წლის 8 ოქტომბრის არჩევნებისთვის ბიულეტენების ტექსტები.
უმაღლესი საარჩევნო კომისიის წევრებმა საარჩევნო ბიულეტენების დაბეჭდვის პროცესზე დამკვირვებელთა ჯგუფი შექმნეს, რომელშიც შევიდნენ უსკოს მუდმივმოქმედი წევრები გუგული დუაძე და თორნიკე მჟავანაძე, ასევე არასამთავრობო ორგანიზაცია „რეგიონალური კორუციასთან ბრძოლის ცენტრის“ წარმომადგენელი რამინ შავაძე.
