საკუთარი განცხადების საფუძველზე, N84 ხულოს საოლქო საარჩევნო კომისიის თავმჯდომარის განკარგულებით, რეგისტრაცია გაუუქმდა აჭარის ავტონომიური რესპუბლიკის უმაღლესი საბჭოს 2016 წლის 8 ოქტომბრის არჩევნებისთვის N73 მაჟორიტარულ საარჩევნო ოლქში საარჩევნო ბლოკი „თოფაძე-მრეწველები, ჩვენი სამშობლო“-ს მიერ წარდგენილ აჭარის ა.რ. უმაღლესი საბჭოს წევრობის მაჟორიტარ კანდიდატს თამაზ ხმალაძეს.
აჭარის ა.რ. უმაღლესი საბჭოს არჩევნების შესახებ კანონის შესაბამისად უმაღლესი საბჭოს წევრობის კანდიდატს, პარტიას/ბლოკს, 28 სექტემბრის ჩათვლით(ბოლო ვადა), უფლება აქვს უარი თქვას არჩევნებში მონაწილეობაზე ან წარდგენილ კანდიდატზე, რისთვისაც განცხადებით უნდა მიმართოს უმაღლეს საარჩევნო კომისიას.