უმაღლესი საარჩევნო კომისიის თავმჯდომარე განაგრძობს აჭარის მუნიციპალიტეტების საოლქო საარჩევნო კომისიებთან შეხვედრებს. ამჯერად პარმენ ჯალაღონია, კომისიის წევრებთან ერთად ქობულეთის N-81 საოლქო საარჩევნო კომისიის წევრებს შეხვდა. უსკოს თავმჯდომარემ საარჩევნო ადმინისტრაციის შენობა დაათვალიერა და შესაძლებლობის ფარგლებში ტექნიკურ დახმარებას დაჰპირდა. გაცნობითი ხასიათის შეხვედრაზე საუბარი შეეხო 2016 წლის 8 ოქტომბრის უმაღლესი საბჭოს არჩევნებისთვის მოსამზადებელ ღონისძიებებს. განიხილეს საკითხები, რამაც ოლქებისა და უსკოს კოორდინირებული მუშაობა უნდა უზრუნველყოს. მათ შორის ოლქებში უსკოს წარმომადგენლის დანიშნვის საკითხიც. საუბარი იყო ინიციატივაზე, რომლის თანახმადაც საუბნო საარჩევნო კომისიის წევრებისთვის უსკო დანამატებს გასცემს (თანამდებობრივი სარგოს ოდენობის  დანამატი). საკითხი ჯერ გადაწყვეტილი არ არის. კანონპროექტი მზად არის და იგი უმაღლესმა საბჭომ უნდა განიხილოს.

   უსკოს მომდევნო შეხვედრა ხელვაჩაურისა და ბათუმის საოლქო საარჩევნო კომისიებში გაიმართება.