უმაღლესი საარჩევნო კომისიის წევრები აჭარის ტერიტორიაზე არსებული ოლქების თავმჯდომარეებს შეხვდნენ. დამხმარე და ძირითადი საოლქო საარჩევნო კომისიების ხელმძღვანელებთან ერთად უსკოს წევრებმა წინასაარჩევნო პერიოდი და 2016 წლის 8 ოქტომბრის აჭარის უმაღლესი საბჭოს არჩევნების მოსამზადებლად აუცილებელი საკითხები განიხილეს. ოლქების თავმჯდომარეებმა ისაუბრეს მატერიალურ-ტექნიკურ საჭიროებებსა და ფინანსური მხარდაჭერის აუცილებლობაზე. საუბარი შეეხო კენჭისყრის დღეს, შემაჯამებელი ოქმების უმაღლესი საარჩევნო კომისიისთვის ოპერატიულად მიწოდების საკითხს. შეგახსენებთ, 2016 წლის 8 ოქტომბერს აჭარის ა.რ. უმაღლესი საბჭოს არჩევნები საქართველოს პარლამენტის არჩევნების პარალელურად ჩატარდება.