ცენტრალური საარჩევნო კომისიის თავმჯდომარის ვიზიტი აჭარაში გრძელდება. დღეს, 18 ივნისს, თამარ ჟვანია უმაღლესი საარჩევნო კომისიის წევრებს შეხვდა. ცენტრალური საარჩევნო კომისიის სამომავლო გეგმების მიმოხილვის შემდეგ შეხვედრა დიალოგის რეჟიმში წარიმართა.  საუბარი შეეხო აჭარის უმაღლესი საბჭოს 8 ოქტომბრის არჩევნებისთვის გასატარებელ ღონისძიებებს. თამარ ჟვანიამ ყურადღება გაამახვილა ცენტრალური საარჩევნო კომისიის მუშაობის 25 წლიან გამოცდილებაზე და აღნიშნა, რომ მზად არის, შესაძლებლობის ფარგლებში, უმაღლეს საარჩევნო კომისიას ყველა პრობლემური(ტექნიკური) საკითხის გადაჭრაში დაეხმაროს. კომისიის წევრებმა ცესკოს თავმჯდომარესთან განიხილეს ისეთი საკითხები, როგორებიცაა - საერთაშორისო დამკვირვებლების მოწვევა, აჭარის ტერიტორიაზე არსებულ ოლქებში უსკოს წარმომადგენლების დანიშვნის, საარჩევნო დავების შესახებ ერთიანი რეესტრის შექმნისა და კენჭისყრის დღეს უმაღლესი საარჩევნო კომისიისათვის შემაჯამებელი ოქმების ოპერატიულად მოწოდების აუცილებლობა, რაც ცენტრალური საარჩევნო კომისიისა და აჭარის უმაღლესი საარჩევნო კომისიის კოორდინირებული თანამშრომლობის შედეგად განხორციელდება. 

 იხილეთ გალერეა