დღეს უმაღლეს საარჩევნო კომისიაში შედგა უსკოს თავმჯდომარის არჩილ მიქელაძისა და თავმჯდომარის მოადგილის გუგული დუაძის შეხვედრა არასამთავრობო ორგანიზაციების წარმომადგენლებთან:

მალხაზ ჭკადუა - ,,საერთაშორისო გამჭვირვალობა-საქართველო'';

ნინო ტავლალაშვილი - ,,ახალგაზრდა იურისტთა ასოციაციის აჭარის ფილიალი'';

მადონა ბერიძე - ,,სამართლიანი არჩევნები'';

გივი მამულაძე - ,,სიმართლისა და სამართლის, ჩაგრულთა და პატიმართა უფლებების დაცვა''.

შეხვედრაზე  საუბარი შეეხო 2016 წლის 8 ოქტომბრის აჭარის ავტონომიური რესპუბლიკის უმაღლესი საბჭოს არჩევნებს, წინასაარჩევნო პერიოდის სხვადასხვა საკანონმდებლო რეგულაციებს. ისაუბრეს ასევე მომავალი თანამშრომლობის საკითხებზე არასამთავრობო სექტორთან და  შემდგომი თანამშრომლობის ფორმებზე.