19 აგვისტოს, 18 საათზე აჭარის უმაღლეს საარჩევნო კომისიაში ამოიწურა საარჩევნო ბლოკების დარეგისტრირებაზე განცხადების შემოტანის ვადა. საარჩევნო სუბიექტები, კანონით დადგენილი წესით განკარგულებით დაარეგისტრირა უსკოს თავმჯდომარემ. კერძოდ დარეგისტრირებულია  ორი საარჩევნო ბლოკი:

1 . საარჩევნო ბლოკი „ბიძინა ივანიშვილი - ქართული ოცნება“ და მისი წარმომადგენლები: კახაბერ სოფრომაძე და გუგული დუაძე  (განკარგულება N18).  ბლოკის სუბიექტები არიან:

• პ/გ „ქართული ოცნება - დემოკრატიული საქართველო“;
• „საქართველოს კონსერვატიული პარტია“;
• პ/მ „მრეწველობა გადაარჩენს საქართველოს“;
• „საქართველოს რესპუბლიკური პარტია“;
• პ/გ „ჩვენი საქართველო - თავისუფალი დემოკრატები“;
• პ/გ „ეროვნული ფორუმი.

2. საარჩევნო ბლოკი „გიორგი თარგამაძე - ქრისტიან-დემოკრატიული გაერთიანება’’  და მისი წარმომადგენლები:  შაირან დავითიანი და ნაზი მახათაძე. (განკარგულება N20)   ბლოკის სუბიექტები არიან:

• მოქალაქეთა პოლიტიკური გაერთიანება „ქრისტიან-დემოკრატიული მოძრაობა“;
• მოქალაქეთა პოლიტიკური გაერთიანება „საქართველოს ევროპელი დემოკრატები“;

  ასევე უფლებამოსილება შეუწყდათ საარჩევნო ბლოკ ,,გიორგი თარგამაძე - ქრისტიანულ-დემოკრატიული გაერთიანება''ში გაერთიანებულ შემდეგი საარჩევნო სუბიექტების წარმომადგენლებს:

,,ქრისტიან-დემოკრატიული მოძრაობა'' - დავით სამნიძე;

,,საქართველოს ევროპელი დემოკრატები'' - გიორგი გაბუნია და ანი ლომთათიძე.