უმაღლესმა საარჩევნო კომისიამ დღეს არასამთავრობო ორგანიზაცია  ”სამართლიანი არჩევნებისა” და  კომისიის წევრების დავით რობაქიძისა და ლევან გაბრიჩიძის საჩივარი განიხილა,   რომელშიც მათ უმაღლესი საბჭოს 3 ნოემბრის არჩევნების კენჭისყრის დღეს დაფიქსირებული სხვადასხვა დარღვევის გამო, ხელვაჩაურის საარჩევნო ოლქის შედეგების გაუქმება მოითხოვეს.
  კომისიამ მოისმინა არასამთავრობო ორგანიზაციებისა  და პარტიების წარმომადგენლების მოსაზრებები და სარჩელი დააკმაყოფილა. ხელვაჩაურის საარჩევნო ოლქის მთელ ტერიტორიაზე გამართული არჩევნების შედეგები ბათილად იქნა ცნობილი.
  განმეორებითი არჩევნები პროპორციული სისტემით კანონის შესაბამისად ორი კვირის ვადაში დაინიშნება, მაჟორიტარული სისტემით კი ორი თვის ვადაში.